[Sur le repli]

16^e novembre 1620

Decret de mariage par la jurisdiction de Launay Botloy d’entre nobles homs Yves de Perrien, seigneur de Tropont, premier juveigneur de la maison de Perrien, et damoiselle Françoise Le Chaponnier, heritiere du lieu de K/guezec et de celuy de K/ninon.

[Folio 1]

Le saeziesme jour de novembre mil six cents vingt par la cour de Launay Botloy, devant maistre Estienne Cillart, escuier, sieur du Han Canauff, monsieur le senechal de ladicte cour, en presancse de maistre Sebastien de Launay, escuier sieur de K/iel, comis pour monsieur le procureur d’oficze d’icelle, attendu son absence au mannoir de K/guezec en la parroisse de Tredarzec [1].

A esté de la part de damoiselle Marguerite de K/vergrech, dame douairiere dudict lieu de K/guezec, curatricse de damoiselle Françoise Le Chaponier, heritiere dudict lieu de K/guezec et de K/ninon sa fille, remonstre par sadicte fille est recherchée en mariaige par nobles homs [folio 1v] Yves de Perrien, seigneur de Tropont, premier ju[v]igneur de la maison de Perrien, et avoir comunicqué à messieurs les parantz de sadicte fille, icelle recherchée, recquerante, qu’ils soient sur cse ouys, les ayants suplyé de se trouver à ce jour à ladicte fin, et à tous aultres, monsieur maistre Georges de K/guezec, escuyer, seigneur de Brays, conseiller en la cour, comparu et representé par noble homme Pierre de K/eimel, sieur de Trauben, suivant procure en datte du vingt et huictiesme jour d’octobre dernier signé Georges de K/guezec, Jamin et Ruflet, messire Loys de Plesquellec, seigneur de [folio 2] Boisriou, mary espoux de dame Catherine Rufault, dame heritiere de K/huel, parante paternelle soubz le quart degré de ladicte damoiselle heritiere de K/guezec, dict trouver ladicte recherche soitable et honnorable, nobles homs François de Quelen, sieur de Landiset, mary espoux de damoiselle Susanne Le Chaponier, heritiere de K/ban, cousine geremaine du feu pere de ladicte damoiselle, presant, de pareil advis come representant l’aisné de la maison de Moulouarn, nobles homs Vincent Le Chaponier, sieur de Moulouarn, cousin nay de geremain de ladicte damoiselle heritiere, presant, est de pareil advis, nobles homs Christofle Le Chaponier, seigneur de K/allain, [folio 2v] parant paternel soubz le cincquiesme degré de ladicte damoiselle heritiere, presant, est de mesme advis, nobles homs François Le Sainct, seigneur du Pleseix, parant paternel au quart degré de ladicte damoiselle, presant, est aussy de pareil advis, nobles homs François de Trolong, sieur du Rusnen, oncle paternel au tiers degré idem, escuier François Le Chaponier, sieur du Teron, parant paternel soubz le cincquiesme degré, presant, idem, noble homme Marin Sauvageou mary espoux de damoiselle Estienette Le Meur, parante au tiers degré de l’estoc maternel de ladicte mineure, de mesme advis.

[folio 3] Sy a esté par ladicte dame douairiere de K/guezec dict avoir conferé à messieurs les parants de son estoc, et a informé checun, à voir agreable ladicte recherche, attendu que ledict seigneur de Tropont a faict decrecter par l’advis de messieurs ses parants ce jour la recherche pour parvenir à icelle mariage, estant ledict decrect demeuré entre les mains du soubz scricpt nostre adjoinct, sçavoir, nobles homs Pierre de K/vergrech, conseiller [2] du roy et lieutenant de Treguier, seigneur de K/icuf et du Vergier, oncle maternel de ladicte damoiselle heritiere de K/guezec, par escuier Pierre de K/vermel sieur de Troben son procureur, dict trouver ledict mariage soitable, escuier Jan de K/vergrech, sieur du Vergier, par ledict [folio 3v] sieur de Troben, suivant procure du vingt et quatriesme aougst dernier signé Jan de K/vergrech, J. Coudray et Y. Guillou nottaires, escuyer Henry de K/vergrech, sieur de K/arrest, parant en pareil degré, presant, est de pareil advis, escuier Barthelemy Garjan, mary espoux de damoiselle Françoise de K/vergrech, sieur et dame de K/versault, ladicte K/vergrech presante, tante maternelle de ladicte damoiselle heritiere, idem, suivant procure dudict sieur son mary de luy signé, P. Le Bleiz et Le Jolif, datte de l’uncsiesme de ce presant moys, escuier François Le Divezat, mary espoux de damoiselle Moricette de K/vergrech, [folio 4] sieur et dame de K/veralsy, ladicte de K/vergrech presante, tente maternelle de ladicte damoiselle heritiere, de mesme advis suivant procure de sondict mary du quatorcziesme aougst dernier, nobles homs Rolland Arrel, sieur de la Fontaine Blanche et K/auront, mary espoux de damoiselle Janne de K/vergrech, parante au tiers degré en l’estoc maternel, idem, nobles homs Pierre de K/rouignant, sieur de Tresel, parant maternel soubz le quart degré, idem, nobles homs Pierre du Rechou sieur dudict lieu, pere et guarde naturel de ses enfentz par luy procréés en deffuncte damoiselle Marguerite de K/vergrech, [folio 4v] tante maternelle de ladicte heritiere, presant, idem, nobles homs Pierre Le Sparler, sieur de Coatgaric, parant au tiers degré de ladicte mineure en l’estoc maternel, par ledict sieur de Troben, son procureur fondé en procure en datte du dix septiesme jour d’aougst dernier, signé Pierre Le Sparler, R. Thebault, F. Le Gal et scellé, messieurs François de Coskaer, seigneur de Barrach et de Rosanbou, parant maternel de ladicte heritiere au quart degré par ledict de K/mel, suivant procure du dix neufiesme dudict moys d’aougst dernier, signé François du Coskaer, F. du Toienen, Jan Garlan, et scellé, idem, messire Yves [folio 5] du Coskaer, seigneur de Guernanchane, oncle maternel de ladicte heritiere, par ledict sieur de Troben suivant procure du saeziesme dudict moys d’aougst dernier signé Yves du Coskaer, Christofle du Coskaer, Guy Rospabu et scellé, idem, nobles homs Gilles du Cozkaer, sieur du Goazru, et escuier Jan de Trolong, sieur du Rest, parants maternels de ladicte mineure au tiers et quart degré, par ledict de K/mel suivant procure du dix septiesme jour dudict moys d’aougst dernier signé G. du Coskuer, Jan de Trolong et F. Le Gof, et Rihoedy et scellé.

Perrien : d’argent à une bande fuselée de gueules. Le Chaponnier : de sable à un loup d’argent.

Ladicte damoiselle heritiere, presante et ouye, a dict se referer à la volonté de ladicte de K/vergrech sa mere et de ses autres parantz cy devant nommés, et en consequance de ce, et de l’afection dudict sieur de Tropont, [folio 5v] et advis de messieurs ses parants, et decrect de justicse, par luy apparu avoict agreable sa recherche et ledict mariage, apprès que ladicte damoiselle sa mere luy a baillé sa benediction, attendu lesquels consentements et ouy le comis du sieur procureur d’oficse en ceste partye, est permis à ladicte damoiselle heritiere de K/guesec de contracter mariage avecq ledict seigneur de Tropont observant les formes indictés par le concille, et sont demeurés entre les mains de nostre adjoint lesdictes procures, et presantement, a esté ledict mariage faict et celebré par noble et venerable missire Guillaume Poulain chanoiene en l’eglise cathedralle de Treguier, sieur de Tertre Forest, presant [folio 6] et asistant missire Baptiste Le Chevoir, sacriste de ladicte eglise et recteur de la paroisse de Tredarzec, demeurance ordinaire de ladicte mineure.

Et de tout acte declaré, et ont lesdicts sieurs parantz signé, fors ledict sieur de Landiset ne sachant signer pour lequel a signé escuier François de Quelen, sieur de Merdy, son filz, ainsin signé au raport demeuré par devers le soubz script greffe de ladicte cour, Estienne Cillart, seneschal, Ba. de Launay, comis pour le procureur, Yvon de Pierren, Françoise Le Chaponier, Marguerite de K/vergrech, Poulain, Vincent Le Chaponier, Loys de Plesquellec, Pierre de K/rouigant, Rolland Arrel, Pierre du Rechou, François de Quelen, François Le Sainct, François de Trolong, Christofle Le Chaponier, M. Sauvageau, Pierre de K/mel, F. Le Chaponier, Moricette de K/vergrech, Françoise de K/vergrech, et P. Lesné adjoinct.

[folio 6v] En l’endroict et après ledict mariage faict, ladicte damoiselle douairiere de K/guezec a declaré audict de Perrien, seigneur de Tropont, fiancsé de ladicte damoiselle sa fille, qu’elle leur relaisce dès à presant la jouisance des immeubles de sadicte fille, ce que ledict sieur de Tropont a arrepté de consentement de ladicte damoiselle sa fiancsée, en presancse desdicts sieurs parants et du tout acte declaré.

Faict ledict jour saeziesme de novembre mil six cents vingt, ainsin signé pareillement au raport demeuré au soubz script greffe de ladicte cour, Estienne Cillart, seneschal, Yvon de Pierren, Marguerite de K/vergrech, Charles de Perrien, Pierre de Perrien, Moricse de Perrien, Loys de Plesquellec, Rolland Arrel [folio 7] François Le Sainct, François de Trolong, Françoise Le Chaponier, Christofle Le Chaponier, M. Sauvageau, et P. Lesné adjoinct, et plus bas est escript de la main de mondict sieur le seneschal pour nostre vaccation gratis, pour le greffier comprins la grosse cent soulz tout … [3].

[Signé] P. Lesné.

Je retien lesdicts cent soulz de escuier François Cillart, sieur de K/menech, de ses deniers en acquict et pour la dame douairiere de K/guesec.